Ego Lestico, dei gratia dux Polonie, notum facio presentibus et posteris, quod venerabili Episcopo Pruscie Christiano et suis successoribus predium Malininov [ Malinconow, Malitonow] cum omnibus attinenciis suis ad remissionem meorum peccaminum contuti, et colonis, quos memoratus episcopus vel sui successores ibidem locaverint, dans omnimodam libertatem, videlicet ut liberum inibi forum instituant et a quibuslibet exactionibus extranei habeantur. Ne autem aliquis huiusce donationes libertatem convellere aliquatenus presumat, hanc paginam sigilli nostri appensione fecimus roborari, testibus subnotatis: Juo Episcopus Cracov [iensis], Cunradus dux Mazovie, Paccozlaus palatinus, Ostassius castellanus Cracov[iensis], strez pincerna.
|